李亞男出食譜書為素食餐廳籌款

李亞男（Leanne）昨晚以一身SHARP醒紅噹噹工人裙打扮現身香港灣仔書展，宣傳年頭推出的處女食譜書《暖‧男廚房》，並即場宣布會將所有版稅收益撥捐感恩免費素食餐廳作慈善用途，希望幫助更多有需要人士，著實善心無限。

而於早前拍拖九周年紀念日晒超聲波照宣布懷孕的Leanne，昨晚現身時雖然肚凸凸，但仍感覺甚弗，且心情靚爆。透露自己懷孕超過三個月的Leanne，笑指很感恩沒有嘔吐、暈眩等迹象，只是較易感到疲倦，以及飲食口味有所轉變：「我以前唔鍾意食麵，但依家就日日都要食麵，啲口味似咗王生，可能係因為肚入面嘅『慳啲啦Baby』鍾意食麵。」

她又指老公祖藍雖然表面對於快當爸爸表現十分平靜，但其實內心很興奮，更謂老公被BB的超聲波照片嚇了一跳：「因為BB頭七個星期嘅樣都有啲似外星人，所以我畀祖藍睇時，佢都好驚。其實佢心入面對於做爸爸係緊張嘅，只係扮鎮定啫。」此時，在旁的工作人員即搞笑爆料謂，事先張揚請全港市民「幫手睇住亞男」的祖藍，於活動當日下午「宴請」同事大吃大喝之餘，更出動全公司為現身書展的Leanne護駕，果然為一等一暖男。Leanne又透露老公為了獎勵自己，之前專誠抽出一個星期，陪她飛往加拿大向父母報喜，聽落都好貼心。

對於BB性別，Leanne表示暫時想保持神秘，不過她笑言無論仔女都喜歡，更想生一仔一女湊成一個好字。十分期待小生命來臨的Leanne，透露現時已開始四出物色合適陪月，希望將來可以給BB更好的照顧。