吳卓羲：超期待與心悠智叔鬥戲

吳卓羲(Ron) 日前接受SmarkB TV訪問，他表示即將開拍冼寶明(寶明哥)電影關永忠導演的《再見，女人街》及電視劇《飛虎2》，稍後還要在國內拍劇，忙過不停。Ron透露：「《飛虎2》照樣原班人馬演出，三哥（苗僑偉）、黃宗澤，可能會加插一啲反派嘅角色，例如好耐冇露面嘅演員，同時間亦為女角搵新面孔，要睇睇樂小姐點安排，大約十月左右會開拍。」
電影方面，Ron即將為《再見，女人街》開工，戲中Ron與小朋友有不少對手戲，Ron似乎充滿期待，他說：「其實我未同小朋友合作過，之前拍電視劇《男人之苦》，只係同手抱BB仔『合作』，手抱BB就任你舞，真係七、八歲嘅小朋友，接觸比較少，呢次係一個新嘅嚐試，依家嘅小朋友唔同以前，醒目好多，見識多好多，可能要用大人嘅心態同佢哋溝通，佢哋可能仲成熟過我，今次亦好期待同心悠、智叔合作，好開心。」

該戲導演關永忠表示，與Ron相識近二十年，大家在TVB一直都好想合作，但沒有機會。電影出品人寶明哥表示，好開心搵到卓羲、心悠及智叔（廖啟智）三個好戲之人，本身已很欣賞Ron電視劇演出，今次這個臥底角色，好適合Ron去演，希望會擦出火花。