林欣彤為新歌《重光紀念日》試造型獲髮型師大讚可塑性高

半年內連推三首情歌，並憑藉動人及多元演繹獲封「情歌皇后」的林欣彤（MAG），新歌《重光紀念日》推出三星期已有不俗成績，除了Youtube點擊率進佔六位數外，更已先後打入各大音樂串流平台以及電台排行榜，潛力無限。

2018年上半年以情歌做主打的MAG，由於皮膚白晳及笑容甜美，一直予人感覺甚為GIRLFRIENDABLE。銳意今年全力衝刺的MAG，除了在歌曲上發力外，亦希望能在造型方面帶給樂迷新鮮感及驚喜。經過與形象指導好友商議後，MAG決定大膽嘗試四大不同風格造型，分別是迷幻、不覊、繽紛及後現代Feel。

為配合造型，MAG拍攝當日嘗試了多個風格各走極端的假髮，但神奇的是，效果出來離奇地夾，獲髮型師大讚有可塑性，MAG事後亦笑謂：「初初見到個假髮，好多人都嘩一聲，覺得擺落我度會否太誇張，好彩出嚟效果大家都好滿意。」

由於要轉換多個髮型及造型，整個拍攝時間由傍晚進行至凌晨四時，雖然鏡頭後的MAG入夜已疲態盡現，但只要攝影師嗌READY，她便旋即進入狀態，更不時哈哈大笑為團隊帶來歡樂及士氣。問到MAG整個拍攝最難忘的地方，她說：「因為今次個髮型都幾難搞，所以髮型嗰邊出動咗四名男子，加埋我個化妝師都係男仔，咁佢哋圍住我整哩整路個構圖好搞笑，其他人見到猛話我似娘娘。仲有一個位我想講嘅，就係雖然今次試咗四個造型，但最後我哋只係揀咗兩個，因為想效果最好嘅先揀。但有個造型好搞笑嘅，就係為咗配合一個SHOCKING PINK假髮，我嘅化妝師提議噴到我成身銅色嘅閃粉，然後現場不斷有人話我名副其實林欣『銅』，笑死我呀！」