第37屆香港電影金像獎頒獎典禮 毛舜筠古天樂膺影后影帝《明月幾時有》共奪五獎成大贏家

第37屆香港電影金像獎頒獎典禮昨晚於香港文化中心舉行，《明月幾時有》共奪五個獎項，包括「最佳電影」、「最佳導演」及「最佳女配角」，還有「最佳美術指導」及「最佳原創電影音樂」，成為今屆金像獎大贏家。
凌文龍憑《黃金花》首次凌獲得最佳新演員，他於戲中飾演自閉症兒子，獲最佳新演員獎，得奬時感激契媽余安安呢個，佢仲義務做埋經理人，希望藉著電影大眾更加關注自閉症患者家庭。
出身於舞台劇界的彭秀慧憑電影《29+1》獲得「新晉導演」殊榮，她說：「多謝彭浩翔帶我入電影世界！多謝我個監製，佢係我嘅心靈雞湯！多謝葛民輝，佢客串外， 仲教識我要保持創作，唔好忘記創作嘅靈魂、最想講嘅故事。」
姜皓文憑《拆彈專家》奪得最佳男配角，入行三十多年的他首次獲提名香港電影金像獎最佳男配角，便成功得獎。他激動表示：「真的沒想過，我一向都不是太好運氣，這幾年我遇到好多好人和好多貴人，好運到我自己都驚，會不會死呢？老婆，我攞咗喇﹗」又說：「我會享受每一個角色，因為我愛香港電影。」
而最佳女配角則由葉德嫻憑《明月幾時有》奪獎，是她第三次成為香港電影金像獎最佳女配角：「我個人比較貪心，多啲嚟就密啲手，香港電影可以容納年紀大嘅演員，令到觀眾繼續有電影睇。」而許鞍華則第六次獲得最佳導演殊榮：「希望下次望唔好再提名喇，心臟唔受得。」她感謝所有台前幕後及客串嘅演員：「拍香港歷史係我一直嘅心願。」。

最佳女主角便由毛舜筠憑《黃金花》獲得，是她從影來首次獲得影后殊榮，她表示覺得好像發夢，基督徒的她感謝神，之後再多謝教友嘅蔡少芬夫婦、商天娥，陳法蓉及家人等，仲有相識多年嘅汪明荃、鄭裕玲、曾華倩及家人等一直的支持，特別提到兩個女（節錄）：「輸咗咁耐都係望住佢哋張相，安慰自己，佢哋係我嘅最大獎……我promise我以後做得更好，多謝電影金像獎。」
最佳男主角則由古天樂憑《殺破狼.貪狼》首次獲得影帝寶座 ，他表示：「當年我同楚原叔拍劇等埋位，佢一句話，我學到今日，係記住永遠每句對白都唔好放棄，因為一部好嘅電影係唔可以放棄！」並多謝家人：「我咁大個仲同屋企人住，每日都係阿媽叫我起身，最緊要有家人支持，就好似香港電影呢個大家庭咁要互相支持。」

文:Sarina Yiu
攝:Tommy Tang

第37屆香港金像獎頒獎典禮得獎名名單：

最佳新演員：凌文龍 《黃金花》
最佳攝影：關智耀《追龍》
最佳剪輯：李嘉榮《追龍》
新晉導演：彭秀慧 《29+1》
最佳衣著獎：鄧麗欣丶姜皓文
最佳服裝造型設計： 余家安、利碧君《西遊伏妖篇》
最佳美術指導：文念中、利國林《明月幾時有》
專業精神奬：楊容蓮女士
最佳視覺效果：黃智亨、徐建《悟空傳》
最佳音響效果：曾景祥、李耀強《殺破狼．貪狼》
最佳男配角：姜皓文《拆彈專家》
最佳動作設計： 洪金寶《殺破狼.貪狼》
最佳編劇：張艾嘉《相愛相親》
最佳女配角：葉德嫻《明月幾時有》
終身成就獎：:楚原導演
最佳兩岸華語電影：大佛普拉斯 The Great Buddha+
最佳原創電影音樂：久石讓《明月幾時有》
最佳原創電影歌曲：沒聽過的歌《大樂師.為愛配樂》 作曲：金培達 填詞 Lyric：陳少琪
最佳導演：許鞍華《明月幾時有》
最佳女主角：毛舜筠《黃金花》
最佳男主角：古天樂《殺破狼.貪狼》
最佳電影：《明月幾時有》