男神BB、曲赤、Szebi 推介油麻地村爺爺保證食過讚不絕口

2018-04-17 浩楠

早前男神BB睇到藝人黃秋生大哥介紹過，他一次過叫咗兩種招牌菜村爺爺花膠魚翅海螺雞湯、龍蝦海鮮泡飯，食完之後立即分享左比好多人。歌手曲赤唔相信，男神BB就約咗曲赤Szebi 一齊品嘗。
曲赤見到人山人海，佢就話肯定好食先會見到有咁嘅現象，急不及待立即order左兩份一個人食。
首先嚟咗龍蝦海鮮泡飯，一見到隻龍蝦就當堂嚇親一跳，賣相俾足分，帶子好大隻，仲有青口、花甲、魷魚、還有其他配料，真係冇諗過咁大份，價錢只售98。喺出邊根本冇可能食到，直到曲赤飲第一啖湯，佢話佢由細到大都未試過飲過海鮮湯咁鮮味，直到男神BB叫停佢，叫佢唔好食晒，因為仲有另一個招牌菜。
曲赤和Szebi 一見到招牌菜花膠魚翅海螺雞湯真係嚇親佢，冇諗過有咁多花膠，海螺好大片仲有魚翅，半隻雞肉感好滑。當時真係冇辦法相信只係＄68有咁好嘅材料。Szebi 搶先飲湯佢話啲湯好飲過佢媽媽煲嗰啲，好重雞味、曲赤急不及待食晒啲花膠和一手撕開隻雞脾。佢哋話男神BB真係冇介紹錯，真係唔係買廣告值得分享，估唔到真係真材實料。