雨僑生日會獲fans送超勁榴槤cake

雨僑Ava (5日)生日，今年Ava的牛一好滿足，因為工作排得滿滿之餘，一班追隨多年的fans亦於昨日(6日) 在銅鑼灣的hmv kafe為她舉行生日會，令Ava好欣慰。

昨日穿上大紅露肩裝的壽星女Ava，舉行小型生日party，與在場粉絲傾偈、影相、玩遊戲、唱生日歌，而fans亦送上鮮花、清保涼、自製小禮物等等，最特別係送上一個榴槤cake，Ava切cake之後直情榴槤飄香，雖然唔係人人頂得住，事後她笑說：「我年年都同fans聚吓、互動吓，大家一直保持好好，佢哋都跟咗我咁多年，都好知道我心意，所以特登揀咗個榴槤蛋糕俾我，其實佢哋好多人都唔食，好在間餐廳夠大，如果唔係咁勁嘅榴槤味怕臭親隔離。」

Ava為回饋fans心意，亦一如在參演新片《西謊極落：太爆‧太子‧太空艙》的骨妹角色般，大送西式靚湯俾fans滋潤。提到《西》片將於9月7日上映，其新歌《花季》又已推出，Ava就說：「好開心呀，今年係好多成果嘅一年，有歌有戲，有多啲作品俾fans睇都開心嘅。」