​​Carey Cheung進駐置地開分店 雷晴雯芭蕾仙子賀好友中二獎

藝人雷晴雯Winnie日前以一身芭蕾仙子造型出席星級飄眉師Carey Cheung位於置地廣場的新店開幕派對，自問素來沒有抽獎命的Winnie更幸運抽得派對二獎，並由好友Carey親自為她揭曉，剎那間Winnie與Carey 兩人即時開心得齊聲尖叫，令全店興奮莫名。

兩人笑曰彼此堪稱KOL好戰友， Winnie憶述：「當年為了考畢美容纖體Diploma，打兩份工嚟半工讀，日頭返學，放學先喺學校附近嘅Cafe捧完餐，夜晚再喺大學同學開嘅酒吧做侍應至清晨五點，每日都瞓唔到五個鐘，幸而終於都撐得到以『優異生』畢業。」Carey亦笑言當日揀入呢行時亦被親人多番勸阻：「畢竟飄眉水晶唇都屬 Tatoo，又針又刀又要用麻醉膏，加上啲工具外行人睇落都有少少嚇人，屋企人點都會擔心萬一整傷客人咁點算。」今時今日，兩人用了十年時間終於齊齊闖出名堂，同為基督徒的Winnie與Carey同聲表示，努力多年的專業終獲各方認同實在無比感恩。

Carey現既要返學校教班，又要睇住新店，兩邊走完全忙到甩碌，Winnie亦不遑多樣，既要為其藝文頻道做專訪趕稿、搞埋舞蹈推廣宣傳之餘近期又跳返芭蕾舞，嚟緊仲話會有其他幕前演出，兩人笑言現在忙到連想彼此通個電話都像不停「捉迷藏」般，但卻由衷為彼此高興，更表示真正友情是在心中，祝福對方越忙越好。

星級飄眉師Carey Cheung與雷晴雯呢對美容界KOL好戰友，十年努力終於齊齊闖出名堂，忙到甩碌仍同聲深深感恩。

雷晴雯一身芭蕾仙子造型到賀，跳返芭蕾舞的Winnie芭蕾舞者氣質漸現。

自言從無抽獎命的Winnie抽中開幕派對二獎，Carey代她揭獎時開心得齊聲尖叫。