林千豔穿州過省為唱歌

上年成功戰勝癌病的香港歌手林千豔（Cady)，2016年手術康復後推出個人作品《彌賽亞的詩》以及舉行小型音樂會，積極為夢想奮鬥。今年更參加了內地大型音樂比賽節目《第二季中國新歌聲》地區海選，由區唱到市，市唱到省，不經不覺超越幾萬個參賽者，最後他決定止步於廣東省省級賽。

Cady說：「本來都冇諗過可以去到省賽，點知過完一關又一關就用咗幾個月時間，每一關嘅對手都越來越強，其中有幾次都爭啲被淘汰，而今年已經安排好時間表出新歌同埋會再開音樂會，如果比賽再繼續玩落去就可能要喺上海逗留一個月，再三衡量之後決定於省級賽止步，由於表現優良，大會亦頒發《明星學院》奬狀以示嘉許。」

問到動向，她表示今年10月21號嘅個人音樂會已經安排好場地，有好多工作要同樂手和舞蹈員協調，她亦希望可以於六月完成新歌嘅MV拍攝，希望係音樂會前可以推出兩首新歌。