[霜遇在這] 街市內的小Cafe

近來有好多街市都翻新，屯門蝴蝶商場嘅街市都唔例外。由於男朋友住附近，所以星期六去身就諗住去食個Tea。Cafe面積小，大約只可以坐到6 – 8個人，而且叫外賣嘅人都幾多。

餐牌有好多選擇，有熱狗、漢堡、三文治、全日早餐，意粉同焗飯。我見有All Day Breakfast，就快快手揀左至尊全日早餐，而男朋友就比黯然銷魂漢堡個名吸引住。

黯然銷魂漢堡(HK$46)
Cafe選用黑芝麻包，所以食時有少少芝麻香;。份量岩岩足夠一個人食，而中間有煎蛋同厚厚嘅免治牛肉，牛肉腍身，配上黑椒汁份外野味！但整體有少少膩，如果可以加上蕃茄同菜會更加好。

至尊全日早餐(HK$58)
送到上黎，真係嘩左一聲。因為有好野食，而且$58就可以食到一個咁豐富嘅全日早餐！有黑松露炒蛋、豬肉豬、多士、薯角、煙肉、沙侓菜同茄汁豆。沙侓菜新鮮，如果可以多少少醋就好喇！而薯角熱辣辣，脆卜卜，點芝士醬食，真係好好味。黑松露炒蛋係我嘅至愛，但係略為油左少少。

叫左２個set，佢會送上２杯熱飲，而當日係美式即磨咖啡同茉莉花蜜。即磨咖啡普普通通，同一般嘅無咩分別。反而茉莉花蜜好清甜，飲完有令人心情舒暢嘅感覺。

Cafe食物款式多，價錢又經濟，唯一真係面積真係比較細。

街市內的小Café
I Café
屯門湖翠路1號蝴蝶邨蝴蝶街市M418號舖