蔣祖曼疑意外拍攝靈異照片 邵仲衡被駱振偉「投訴」重女輕男

邵仲衡、尹揚明、蔣祖曼、駱振偉、陳子豐及楊偲泳正為ViuTV劇集「詭探」趕工，日前在尖沙咀一間酒店內取景，楊偲泳自爆因為聲浪過大被住客投訴，：「本來我做警察要爆門好型好大聲架，依家變做細細聲咁講對白，都唔知點算！點知拍拍下突然停晒電同冷氣，我以為又嘈到人比人斷水斷電，原來有個同事太好手尾，出房掹走左張房卡，嚇左大家一跳！」。

見慣大場面的邵仲衡無懼投訴，笑言於酒店取景拍懸疑劇集開始先河：「你知我地幾多道具架啦？係五星級酒店度燒溪錢、拜神，梗係會嚇親人啦！所以人地咁都肯會場地，我地要感恩！」。

駱振偉與邵仲衡（孝哥）劇中最多對手戲，但孝哥偏偏不記得自己名字，令他感到不是味兒：「我真係要投訴啊，孝哥同佢地（蔣祖曼、楊偲泳）都唔係成日拍，就記得晒佢地啲名，我日日同佢開工就淨係唔記得我！我懷疑佢係重女輕男！」

而蔣祖曼早前疑似攝下靈異照片，更屢次發惡夢：「我發夢自己喺上次九龍塘拍攝個場地開工，點知突然鬼上身，你地又冇理我。而今次張疑似靈異相就係喺嗰度影架喇，雖然我都相信只係反光，但最古怪係陳子豐幫我連還快拍幾張，淨係得呢張出現，而事後子豐仲話壞左電話，都唔知係咪借我過橋買新機！」

尹揚明反駁話：「你地係咪胡思亂想咋，快啲攞比我睇下先！我自己就唔知有呢張相，不過九龍塘個場景係好古怪，冇水冇電就連去廁所都要落樓下更亭，我自己就信鬼神，不過我冇害人就唔會驚囉！」