「蟹出沒注意」 鄭少秋50周年紀念演唱會

日前多份報章出現一個神秘廣告，寫上「蟹出沒注意」，還有「橫行半世紀 招搖大時代」等字眼，引起不少網民熱話，原來這個神秘「啟示」，是秋官鄭少秋為慶祝入行50周年、預告即將在五月廿八、廿九日舉行《鄭少秋半世紀大時代世界巡迴演唱會》的宣傳策略。

「我就係想吸引我班蟹民，等佢哋知道我出現，再話俾佢哋聽，今次個市全部都會升，快D入貨，賺多D。」秋官堅定的說。

在電視劇《大時代》飾演「丁蟹」的秋官，角色何只深入民心，更成為股民的熊市指標，認為只要有秋官的演出，股市都會跌，適逢今次演唱會在五月舉行，被投資者形容為「五窮六絕七翻身」的港股，加埋「丁蟹效應」，定必引起股壇熱話，但秋官卻睇好後市，一面倒唱好，他說：「嗱！你哋以往都話，逢係我嘅演出，股票都會跌，但今次就唔同嘞，係升，但你哋記得嚟捧我場，先會升㗎喎，知道嗎！」

日前，秋官為演唱會拍攝宣傳海報，造型師為他安排了兩套西裝，襯上一副電視框太陽眼鏡，帥氣十足之餘，加上秋官應攝影師要求，在鏡頭前表現出調皮的一面，充滿活力、型男的造型，令秋官某些角度，頓時變了城城郭富城。

「影出來我後生過佢（指城城），但跳舞就跳唔到，冇佢咁勁，大家氹我開心話我似城城啫，等我多點精神影多點靚相，最緊要相片效果好睇、靚仔、有型、有現代感。」秋官說。

現時秋官已經開始為演唱會努力keep fit，每星期至少有三天做四十五分鐘帶氧運動，練歌練氣難不到秋官，反而請嘉賓和揀歌部份，還在傷腦筋，他說：「嘉賓有好多心水，但到而家都仲未定，揀歌亦相當頭痛，如果要唱晒所以經典歌、流行歌，一個演唱會根本不能消化，可能某些歌要作出取捨，變成串燒歌，太太都有份參與，在歌單上俾了很多有建樹的意見。」

提到會否找囡囡欣宜做嘉賓，兩父女一起唱大熱歌曲《女神》，秋官笑說：「哈哈！我點識唱《女神》呀，但我要同佢唱片公司溝通，因為欣宜有自己經理人，做爸爸都要從正常途徑申請。」