《香港風雲系列之教父》開鏡

盧海鵬、黃嘉樂、祝文君、王維德今日到流浮山，聯同老闆向華波為電影《香港風雲系列之教父》開鏡拜神，鵬哥笑言話自己做乜角色都唔知，開戲後自己要返廣州同兄弟親友食團年飯過年，農曆年後會為奇妙電視拍攝節目，但鵬哥話都係唔知節目要拍乜，問到之後同兩位靚女趙海珠、林小珍合作，佢話靚女醜女都一樣。

問到是否最怕遇到蠢女？佢話：「最緊要唔好會晏收工。」有冇試過被激到嘔血？佢話：「咁又冇，試咪多啲啫。」鵬哥自言自己教人要講粗口。

王維德在戲中演反派大佬角色，佢話同彭哥有好多對手戲，最後可能會殺人滅口，希望拍攝嘅途中彭哥唔會搵自己試咪。

黃嘉樂戲中演鵬哥囝囝，被要求接棒當上黑幫話事人，首次跟鵬哥合作，佢話：「壓力好大，好緊張，怕自己對白接唔上。」佢笑言預咗被鵬哥試咪，亦覺得從中會有所得着。身旁祝文君見慣鵬哥試咪，每次聽到都覺得係令氣氛開心感覺搞笑。