雷晴雯試新醫美療程良心行先寸得起

藝人雷晴雯Winnie身份多到數唔晒，舞蹈文化藝術通通關佢事，宜家連喺美容界都闖出名堂，記者都忍唔住要話佢勁！尋日Winnie又獲特別邀請，親身體驗新科技「微波腋下止汗」療程，據她透露整個過程都有錄影，所以特別期待：「好想可以快啲睇返療程嘅整個過程究竟係點操作，最衰係腋下位唔就手，否則就可以自拍啦！」問她可是準備當代言人，她卻說暫時未有此打算：「的確有幾間美容中心聯絡過我話希望搵我做代言，但我都已經全部推晒，今次我都只係以一個真正接受療程嘅過來人身份去分享返自己嘅真實感受同問返醫生一啲大眾必須要知道嘅問題而已。喺接受療程之前我亦已經做晒research同研究過呢門科技係乜嘢一回事，亦上網check過FDA，清楚知道安全性同風險程度，但最關鍵同最重要都係我了解兼信得過幫我做嘅醫生本身性格同專業操守。」

Winnie坦言她美容界的知己好友全都是剛正不阿、堅守原則之人，大家的硬頸及固執程度都不相伯仲，業內早就人所共知，在專業、道德、操守、良心面前，不管客戶是誰大家也從不賣帳，有性格到常被揶揄同錢有仇兼同客過唔去。Winnie也承認她的無畏與敢言常被認為「超級寸嘴」，但她至今對這份堅持仍堅守到底：「我十幾歲便跟著師傅（楊寶玲）打天下，當時更研發咗一套獨家配方嘅護膚品，而當中每個步驟都不容許有半分閃失，加上師傅做事一向非常嚴謹，之後喺自己母校同不同大學開班，就更必須律己修身。Beauty Diploma專業操守係必考科！由於香港根本無『醫學美容』呢樣嘢，監管有太多漏洞，亦存在太多縫隙及灰色地帶，好多時就係因為咁而出事。我絕對唔會無憑無據地無啦啦浪費時間挑戰任何療程或產品，可以令人產生懷疑就必然有跡可尋。要我明知有問題都唔出聲我實在過唔到自己良心，亦有愧於上帝。但只要我嘅坦言及理據可以減少或阻止更多人出事，我絕對會繼續『超級寸嘴』落去。」

唔好以為Winnie只係死讀書然後寫吓稿就咁夠僵，原來除咗當年跟住Pauline學學埋埋同做過美容化妝導師之外，佢亦做過化妝師、美容師，喺不同著名護膚、香薰品牌專門店做過專業美容顧品，做過大型美容連鎖店，亦企過美容特賣場、喺超市擺過攤位、做過傳銷、企過會展、做過國際化妝護膚品牌銷售策劃及宣傳公關，甚至連美容院神秘顧客都做過，絕對身經百戰經驗豐富，難怪《星期日檔案》大海撈針都要搵上佢。Winnie，值得嘅！