Nnl帶你遊古式古香”蛋家佬”食盡所有海鮮佳餚

美食達人Nnl今次就帶同美女曾子齊Sophie及李海清Jojo去食鮑翅海鮮宴，但識飲識食既Nnl又點去帶你哋去普通海鮮酒樓食海鮮啊？今次去既蛋家佬就十分古式古香，而且地方十分寬敞，有成六千呎，保證讓你食得開心，坐得舒適。

Sophie: 入到嚟睇呢度既裝修設計得真係好古式古香啊！

Jojo: 係啊！我特別鐘意佢哋魚缸果邊既位置，好乾淨同埋可以一眼睇晒啲海鮮有幾新鮮、有幾生猛啊！

Nnl: 係啊！我就最鐘意呢度古式古香得嚟加埋啲魚網同魚夫帽既元素真係同食海鮮式式相關呢~

原隻蠔皇扣南非鮑魚

鮑魚為原隻由南非進口之乾鮑，經過浸、燉、煲令到鮑魚又”唸”又滑。呢道菜式既醬汁十分鮮味，原來師傅採用既係原裝鮑汁！伴菜既係美國露荀，配合埋鮑魚係好清新既味道。

砂鍋紅燒水魚煲

水魚煲採用既係野生水魚，每一隻都份量十足，有一斤十二兩，而且經過古法熬製，慢慢炆出來既巧手菜式。

避風塘炒蟹

廚師炒得十分乾身，再加上炸蒜蓉、椒鹽、辣椒等配料，令炒蟹十分香辣、鮮味。配料雖然細細粒，但師傅都唔會好似外面餐廳咁炒到燶晒，認真夠功架！

宮廷雞煲翅

湯底呈奶白色，加上新鮮雞拆出來既雞絲、翅。呢道宮廷雞煲翅睇落去十分晶瑩剔透，而啲翅咬起來都十分爽口。

招牌燒乳鴿

外皮超脆，一咬落去，肉汁不停滲出來，令人吃到停唔到口。

上湯焗龍蝦伊麵

一睇外形已經相當吸引，係伊麵上既龍蝦啖啖肉不但止仲好Juicy。師傅亦都考慮到食客既儀態，將龍蝦切得較為細粒。

食完咁豐富既一餐，埋單都只係五百幾蚊位咋～

Sophie: 食完呢餐鮑翅海鮮宴，我都仲未滿足啊，今日天氣實在太凍啦，我想打邊爐啊～

蛋家佬海鮮火鍋宴

望到菜單就知呢度係食海鮮既樂園啊！

新鮮即開生蠔十二隻

餐廳會因應時令會挑選最適合既生蠔比顧客食，海水味好夠、好鮮。

本灣膏蟹三隻

爆膏程度好比大閘蟹～～

龍蝦刺身

刺身望落好晶瑩剔透，咬落去＂爽爽＂聲，十分爽口。

胡椒雜菌花甲雞湯鍋

花甲隻隻都好肥美～令人睇見都口水流～

加拿大象拔蚌刺身

呢道刺身特別之處就係同出面餐廳切既方法唔同，師傅係打棟切，一條條咁，而唔係打橫切，一塊塊。

大元貝六隻

聖子皇六隻

叫得做聖子皇果然名不虛傳，有成四隻筷子咁粗啊！！

冰火魷魚

呢道冰火魷魚係蛋家佬既招牌菜，之所以有冰火魷魚之稱就係因為一入口未有好辣既味道，而開始細味既時候就會有香辣既味道湧現。

十頭鮑魚十二隻

鮑魚真係好新鮮，放上枱都仲係識郁嫁～

呢枱咁新鮮咁令人滿足既海鮮邊爐每位都只係四百幾蚊～

頂級安格斯肥牛

自家製手工餃（三款）十二粒

自家製手打丸（四款）十二粒

原條章紅魚刺身

廚師把章紅魚切得非常薄，食落口亦都非常鮮味。

呢道蛋家佬海鮮火煱宴有成十八道菜咁多～

想繼續食好野，記住繼續留意我哋港飲港食啦～

蛋家佬

地址: 尖沙咀寶勒巷3-7A號萬事昌廣場1樓101號舖

電話: 2319 2988

youtube link:

https://www.youtube.com/watch?v=MmfkuEE8bQo&t=142s