林氏廚房-給你非一般的享受
美食達人Nnl今日嚟到工廠區，千祈唔好睇少，因為都有好多嘢食㗎!今次帶大家嚟到一個空間好大同環境好舒服嘅地方，大家想唔想知道呢?Let’s go!
Billy:出面同入到嚟嘅感覺完全唔同喎
nnl:當然無介紹錯比你啦，係咪先?
Billy:嗯，咁我望到全部枱櫈都係用木造，成個感覺好簡單，好舒服囉。
nnl:哩度搞gathering都好受歡迎㗎，yeah…party!入面你地會感受到好濃嘅意大利風情。當然仲有好多嘢食等住我哋，等陣同你地介紹啦。
Billy:唔講喇，啲嘢食等緊我哋喇。
芒果蟹肉牛油果杯
裏面有蟹肉啦，芒果啦，牛油果啦。芒果同埋蟹肉呢，其實佢哋嘅配合好好，可以帶到蟹肉嘅鮮味出嚟，直頭係perfect啦，越食越想食，完全停唔到口。
意式廣島蠔濃湯
哩個湯好厲害，將cream同廣島蠔mix埋一齊煮，所以質感好滑同creamy,加上用意式嘅煮法，感覺好fushion.
炸茶樹菇
外表一枝枝，其實佢係茶樹菇嚟，咁樣食法比薯條健康啦。
意大利白酒挪威藍青口
哩個青口有咩特別?青口係新鮮由挪威果邊空運到香港，所以非常鮮甜，內裏好多汁。入口肉質好滑，有酸酸甜甜嘅感覺，每一隻都好肥美。
林氏漢堡配薯條(自家制純牛肉)
每一層都係人手製造，食落麵包個皮有好香牛油味，牛肉係手製嘅，選用安格斯牛肉，味道好夾。薯條炸得好脆口，同平時食開嘅唔同，哩度炸得完全唔油膩，口感十足。
煙三文魚牛油果焗飯
創意靈感來自澳洲，因為澳洲人好鍾意咁焗煮，芝士分量好多，口感好creamy,啖啖三文魚加芝士同飯，質感好豐盈。
米蘭燉羊膝配中東扁豆
外表睇唔出，用慢煮方式，煮足6小時的。
切落去肉質好軟，唔似煮左6小時的肉咁散，完全一梳梳嘅牛肉，實身嘅。加上入口完全無羶味，非常好味道。來自中東嘅扁豆，口感好得意，粒粒分明，用紅酒同13種香料煮成，所以味道好濃郁，好有中東味道。
Billy：哩度個露台係唔係好正先?
nnl:你真係識飲識食識歎喎。
Billy：大家食完野，可以出嚟露台飲杯嘢，食個甜品又好，其實好舒服嘅。
nnl:係呀，好relax,芝士蛋糕入口即溶，帶有少少酸同咸嘅味道，very good。
嚟緊我哋會繼續帶你地去唔同嘅地方，去試唔同嘅嘢，記住留意我哋港飲港食嘅頻道。
Billy：仲有港飲港食嘅雜誌呀。下次再見，拜拜!
林氏廚房 Lam’s Kitchen
地址: 長沙灣長裕街2號嘉圖商業大廈4樓A室
電話: 2371 4188
港飲港食-Lam’s kitchen
Youtube Link:
