唐貝詩《離家出狗》舞台劇完美落幕 轉戰內地宣傳愛護寵物

唐貝詩（Lydia) 處女參演之慈善舞台劇《離家出狗》，已於昨日完美落幕。一連五場的舞台劇，每場均有九成入坐率，反應熱烈，令一眾台前幕後均注強心針。

其實Lydia早於兩個月前已話劇綵排，而且每日服用鹹竹蜂養聲，她說：「雖然鹹竹蜂個感覺好核突，但為咗舞台劇講對白清晰，唔可以聲沙，所以朋友就教我食，為咗演出成功，我咩都得架。」雖然準備充足，但Lydia正式演出時依然緊張：「頭場開騷前，我係緊張到胃痛，甚至呼吸困難，好彩呢啲感覺只係頭一、兩場先發生，冇影響演出，之後冇咁緊張就冇問題。」

是次舞台劇有真狗演出，同時亦帶出愛寵物的信息，基於反應好又屬慈善性質，獲得各方一致好評，故主辦單位正考慮移師內地演出，Lydia對此舉腳贊成：「今次咁成功，大家都希望可以喺內地重演，因為內地仲有好多地方食緊狗肉，要帶啲正面信息俾佢哋，其實狗狗真係人類嘅好朋友。」她更笑言，最好做夠500場。