石詠莉新歌《第三類接觸》 黃呈欣及鄧智堅分演男女主角，挑戰三級程度

Hi-fi小天后 Sukie S(石詠莉) 將於10月9日舉行首次個人演唱會及於同月推出第二隻大碟，今次其新歌之一《第三類接觸》由男友鄧健泓(Patrick) 操刀曲詞，兼任mv導演、剪接及大茄，集多功能於一身。不過今次mv由知名舞台劇演員黃呈欣及鄧智堅分演男女主角，挑戰三級程度大膽演出，黃呈欣更半裸露出整個背部及股罅激演床戲；反而Sukie S和Patrick出鏡唔夠十秒，一閃即逝。

該mv內容講述時下備受爭議的小三心路歷程，問Sukie S會否擔心男友出軌？她卻說：「如果我哋之間出現小三，我會打死鄧健泓，哈哈哈！」其實她對Patrick不知幾放心，對他百份百信任。

《第》mv題材尖銳又畫面露骨，但Sukie S大讚效果好，拍攝當天更大飽眼福，她笑說：「mv係用寫實、貼地嘅方式表達感情，做第三者係連一個平常人喺街度拖手呢啲動作都唔能夠做到，呢啲都係好掙扎。至於mv嘅裸露場面係保持真實感覺，雖然拍得好辛苦，但效果大家都覺得正，好滿意，我都大飽眼福，女主角好戲又身型好。」Sukie S笑謂Patrick指她的戲不夠黃呈欣好，所以今次才由專業演員演出。

此外，近日Sukie S忙於做演唱會宣傳，出席音響展又頻去電台，每日生活極之充實，幸而大多時間都獲男友陪同，忙得嚟都心甜。