馬嘉均 (馬仔) 日前到廣東廣播電視台，以香港選手身份參加第六屆全球《麥王爭霸》！
馬仔翻唱陳奕迅舊作《浮誇》參賽，為有更佳效果，馬仔採用偏方柿餅青欖水開聲：「重點係個青欖，初頭有啲澀澀地，但嗒落有回甘味，除咗滋潤喉嚨，仲好補氣添！不過真係有D難入口，不過為左比賽都要頂硬上！」，馬仔笑言自己常介紹另類「開聲」偏方予其他歌手，自己似醫師多過似歌手！
比賽其間，多位參賽者都挑選《浮誇》參賽，出現「撞歌」的情況，「其實有少少擔心同尷尬，平時去做騷撞衫就見得多，撞歌就第一次見！不過咁反而放膽去唱，大家硬橋硬馬鬥唱得好囉！」，馬仔坦言如有幸晉級，將自彈自唱參賽，以另類曲風突圍，避免尷尬情況再發生。
