幸福女人- 宋熙年婚前獲邀擔任 日本美容中心品牌 Musee Medical Beauty Centre 的美容及纖體代言人 家居及型格歐美 Look 拍攝平面廣告
年頭己經傳出會與藝人陳智燊成家立室的宋熙年，於結婚前，獲邀擔任日本美容中心品牌 Musee Medical Beauty Centre (MMBC) 的美容及纖體代言人，除了於結婚前，免費扮靚瘦身外，於拍攝造型照當日，客戶與製作公司更為宋熙年度身訂造多套，以白色為主的家居及歐美型格服裝，盡顯宋熙年婚前超 Fit 的身材。
問到宋熙年今次擔任代言人的感想，『好開心結婚前，得到客戶邀請，成為 MMBC的代言人，同埋，結婚前都想 Keep住皮膚同身型嘅狀態都係最好, 依家有客戶嘅支持同贊助，對於結婚當日嘅狀態會好放心；而且又得到一個可觀嘅代言人費用，所以真係好開心嘅。 』
問到今次拍攝平面廣告，好多衣著都幾性感，有冇問淮 Jason 同意，宋熙年直說：『冇呀，因為其實今次嘅 Style 係我好鍾意嘅，同埋都唔算好性感，成件事係好健康嘅，加上同今次攝影師都合作得好愉快，Kenneth 影得我好有活力，不竟我都有一段時間冇影呢類型嘅相，所以我相信 Jason 都唔會有太大問題；加上有時 Jason 都會話我平時比較多著司儀嘅服飾，成熟 D 嘅裙，都叫我嘗試下 D Fresh 同 Young D嘅 Style，今次就可以俾個新 Look 佢睇下啦！』
問到有冇為左今次嘅拍攝做好多準備功夫，宋熙年坦言自己平時都有做開運動，不過就會加強鍛鍊腰同腿，希望個 Shape 影出黎靚D，就當為結婚做準備啦！問到婚期，『會係今年年尾，都好多野準備緊，所以大家都好忙，Jason 又忙住開劇，所以佢今日都黎唔到探我班。』
