創作歌手黃劍文首當男主角 雷晴雯現身撐場為好友打氣

藝人雷晴雯 Winnie (原名雷穎怡) 日前現身香港公開大學的創意寫作與電影藝術畢業作品展，特意為其主內好友，創作歌手黃劍文 Kimman 首部戲劇作品，並同時首次擔正男主角的微電影《畢業後記》正式上映加油打氣。

劇照：轉載自：Facebook 創意寫作與電影藝術 – 畢業作品展2016 專頁

Winnie 憶述與 Kimman 的認識過程非常奇妙：「識得Kimman我真係覺得係上帝有意安排！我媽子2004年過身，但十幾年嚟我一直走唔出當中嘅傷痛同陰霾，自始之後每年嘅母親節簡直係我死穴，喊足十幾年。而我本身又有個朋友好鍾意 Kimman 啲歌，2013年嘅母親節佢知Kimman喺一間 Café 開Mini Concert，就硬拉我去，當日 Kimman 都有分享佢屋企同佢媽咪嘅經歷，先知原來大家都有著非常似嘅過去同傷痕，加上 Kimman 寫俾佢媽咪啲歌對我嚟講真係好有療癒作用，之後同 Kimman 久不久都有喺 Facebook 連絡。然後有一日我受咗個好大嘅打擊，三更半夜無人可以傾訴，喺我覺得最孤單無助一個人喺屋企爆喊嘅時候，點都諗唔到 Kimman 就喺嗰個時候 send message 俾我，同我傾咗半個鐘，安慰我開解我，仲幫我祈禱，我諗，友誼就係嗰陣慢慢開始，最重要係，我亦慢慢走出媽子過身嘅陰霾，所以我真係非常感激 Kimman ! 」

原來連 Kimman也是第一次看《畢業後記》的完成品，Winnie 笑言 Kimman 把自己的緊張都傳染了一眾弟兄姊妹及他的粉絲們，害大家都跟著他一起心跳加速。雖說這是 Kimman 第一部戲劇作品，但Winnie 觀賞過後只覺他與飾演其女友的 Yoyo 馮海銳均演繹得真摯且細膩動人。短短30分鐘的真情演出，把很多剛畢業的年青人都有機會遇上的感情問題、現實生活與追尋夢想兩者之間的糾結，與及小情侶間因為價值觀各異而產生的內心矛盾、分歧與掙扎都演得絲絲入扣，加上戲中不乏 Kimman 的深情獻唱，令不少觀眾陪著 Kimman 與她一起掉眼淚，完場時的一片熱烈掌聲與歡呼尖叫聲更是令人感動不已。

「《畢業後記》的確係一部好出色嘅學生作品。導演話條片香港公開大學遲啲會放上Youtube，大家到時就可以喺網上睇到。」Winnie表示她亦曾經拍過不少學生的功課，當中不乏得獎作品，她說與學生合作與平日工作，在各方面都非常不同，他們都會和演員傾很多，而且創意無限，題材及拍攝方法可以非常新鮮大膽，當中一次不足一百呎斗室之內要關門四機拍攝，一間房塞晒全隊 Crew 仲要拍出嚟完全唔穿崩，Winnie 坦言該次拍攝過程絕對係畢生難忘!而學生們白紙一樣嘅心，往往反而可以拍出更能令人驚嘆的優秀作品，亦因為他們的敢於創新與嘗試，同時亦開闊咗佢嘅眼界，佢自己都獲益良多。

Winnie 笑言，從未見過慣於面對群眾且有豐富演出的 Kimman 會有如此緊張的一面。

Kimman 首當男主角獲一致好評，Winnie為好友開心之餘，兩人都對上帝的眷顧而非常感恩。