譚耀文擔正首演驚慓片《妖醫》碎屍孟瑤變人肉香腸食到嘔

藝人譚耀文擔正主演的中泰驚慄合拍片《妖醫》，5月27日已在內地上畫，短短時間更收得過千萬票房，演技一向備受好評的阿譚，在戲中把人肉碎屍兇手的殘酷變態一面演得入木三分，從而再度引起關注。

嬴盡口碑的《妖》片，屬小型投資製作，而且上映短時間內又收得過千萬票房佳續，阿譚非常開心滿意，「對於小型製作嚟講，今次成績好好，亦都係我自己擔正以嚟收得過千萬嘅票房，好開心。我希望以後可以繼續拍多啲有質素嘅電影，所以向劇本選擇上都會有要求。我唔介意係大製作定小製作，只要係好的劇本就得。」

在電影《妖醫》飾演心理醫生、舆poyd孟瑤有錯中覆雜的感情，阿譚驚覺孟瑤背著自己出軌，愛恨交集下，阿譚將女友孟瑤殺死繼而碎屍，弄成人肉香腸放入冰格，每逢兩人拍拖紀念日，阿譚就會拿一舊人肉香腸出嚟吃，又愛又恨地「慶祝」與被他殺死的已故女友拍拖週年紀念。

殺死孟瑤後，飾演孟瑤妹妹的最美變性人Poyd與男友呂聿來，對孟瑤的死有感可疑，於是呂聿來與女友Poyd聯手找出兇手，兩人隨後找到轉型做心理醫生來掩飾殺人的阿譚，從策劃、設局，一步步令阿譚露出真面目，勾起一幕幕當日殺人過程而令到本來扮善良的心理醫生阿譚再次發狂，現出猙獰面目。

阿譚由充滿對女友溫柔的愛、到失控殺女友、失去人性碎屍、再到善良心理醫生…..阿譚都演得絲絲入扣。首次嘗演殺人驚慄片，連經驗十足的阿譚都話每日拍攝完都需要花一大段時間來休息，平伏情緒，以脫離角色。

阿譚笑說成部戲，最難忘食「人肉」香腸，諗起都想嘔，「拍嗰時泰國天氣又焗又熱，嗰啲道具香腸真係食得㗎，不過整咗好耐，又一直放在雪櫃，香腸嘅肥豬肉都變晒豬油膏，瘦肉部分就好乾，但我要扮食到津津有味，加上Ng咗幾次，有一次在最後NG頂唔順嘔。」

阿譚並笑著謂：「其實我好鍾意吃香腸，拍妖醫之前，喺屋企煮早餐，一定喺煮麵嘅時候都會加條香腸，但拍完呢部戲之後，有一段好長時間見到香腸都反胃，食香腸食到嘔真係第一次。」