楊千嬅出席珠寶展

楊千嬅日前現身上海為西班牙珠寶品牌ARTE，以「品牌大使]身份出席上海武康庭生活精品館舉辦了DESEO時光經典系列展覽和私人晚宴，同場還有ARTE品牌主席張寬年、品牌行政董事陳幼仙、演出《Oh My Venus》型男韓星成勛、國際超模陳碧舸、日籍名模赤阪沙世和內地女演員舒然等，星光熠熠。

記者:法拉利

活動開始前，千嬅由品牌高層陪同參觀生活精品館，她更化身設計師用畫筆設計首飾，又用放大鏡做珠寶鑒証，不過她自爆眼力衰退看不清楚，她笑說：「可能因為我成日睇手機，視力麻麻，所以睇得唔清楚，我唔可以做首飾工匠，只可以購買。」期間她用木顏色筆為寶石設計填色玩得好過癮，她說：「平時成日同囝囝Torres做功課填顏色都會用呢啲筆，好開心!今次嚟上海出席ARTE活動好開心，同呢個品牌第二度合作，今次仲有邀請我嚟旗艦店開幕儀式，好榮幸。」

最近千嬅都忙著在內地拍攝真人騷，與老公丁子高分隔兩地，今日抽空出席上海的活動後又要趕埋位拍攝。由於520的國語楷音是「我愛你」，不少情侶都籍著今天放閃曬恩愛，丁子高「應節」猛向千嬅猛講「520」示愛，豈料老婆不解溫柔。千嬅說：「我從來都唔知道『520』係咩意思，我老公今日係咁同我講，我唔知佢做乜。後來就知道啦，唔怪之得今日街上咁多嘢都寫住520啦!我對數字不敏感，平常我連繳費數目和日期都記唔到。(佢有冇嬲?)佢話520就係佢對我最大既包容!」千嬅與丁子高被記者拉著合照時，立即十指緊扣還一齊做出嘟咀、四目交投等表情，默契十足，還異口同聲笑言似再影結婚相。