區文詩出外進修想要新衝擊

向來愛於網上分享生活近況的區文詩Angela近日突然全面消失於各個社交網絡，日前Angela終於現身中環一酒吧出席活動。Angela透露原來早前患上重感冒，頭暈發燒，不時感覺天旋地轉，所以連好姊妹Miki的婚禮都未能出席，惹來與姊妹們不和的傳聞。禍不單行的是雖然已閉關於家中休息，但仍因一時重心不穩扭傷腳，連行動都變得不便，今晚出席活動都要一拐一拐。

Angela從Cookies解散後便加入香港電台任節目主持人，轉眼已工作十三年，近日竟然突然宣布離開電台，被問到是否與近日各個電台大地震有關，Angela話「因為做電台節目主持係一份需要不停有output的工作，每日都要諗新的話題，最近感覺到左樽頸位，所以今年好想出去外面的世界吸收同見識多D唔同的事物，於是同電台高層請左大假，希望到外國進修吓，可能學吓煮野食，因為近期都開始製作一個教煮嘢食嘅節目，同埋自己一向好鍾意去旅行，希望可以去到唔同的地方體驗生活，可能會離開香港一段比較長的時間。」問到有否感不捨，Angela話只係請假，將來仍有機會重返電台。