FFx奪新城勁爆新登場組合銀獎

女子組合FFx四女Shirley楊澤怡、Ceci李詩詠、Mizaki潘穎琳 和 Christy周葆諭校服誘惑 look 岀席新城新人王頒獎禮獲頒新城勁爆新登場組合銀獎，好開心感謝新城銳哥和粉絲，好感動，原先心情只係諗住能收到邀請有機會上台介紹自己，跳唱《Sugar Baby》就開心，諗住黎近距離睇阿G.E.M.就值了啦。始終今年MV事件不容易捱過，四女互相扶持沿路崎嶇不平，所以今次有獎落袋真係好感恩，係自己FFx四人努力既一個check point, 之後要更努力就一定啦。

再次多謝所有睇過 MV既朋友，今日以後可以自信大聲同人講自己係一位樂壇努力既歌手，屋企人都好支持自己，講左有獎無獎，阿媽都支持和認同阿女係一個努力歌手！

提到網絡23條，四女認為FFx爆紅係因為Sugar Baby嘛，當中好多二次創作都好勁好正，到今時今日都仲不時有創作和cover放上網，仲好新鮮，所以呢，我地都無任歡迎大家繼續努力創作樂在其中，百花齊放。唯一建議係，創作係好事，吾好寫太多粗口啦，都有好多小朋友會睇《Sugar Baby》得得B嘛。

還有係聽到賣梅姐既獎好心疼，拿梅姐既獎和內衣拿去拍賣，好吾開心，獎係梅姐既成就，樂壇既結晶，賣左吾好，我地做後輩既好傷心。我地雖係新人，但好似我地今晚攞到個新人獎，將心比心，真係吾可能會諗到會去賣囉，有血有汗嘛。