柳妍熙Shay祝大家中秋節快樂

早前Shay為新歌《一點都不痛》，一口氣連續跑了三個月宣傳，又去了古巴拍新碟封面及寫真集，與及到巴黎影靚相，早前一直忙於在內地做宣傳，經理人公司星曜娛樂為獎勵她幾個月馬不停蹄工作，批准放四日假期，給她返四川家鄉與家人朋友共度中秋團圓。

抵埗後，她第一時間重返四川省地訓練基地，探望當年她做國家短跑運動員時的師姐、師兄及教練，還有當年幫她醫治腳傷的隊醫，她說：「嚟咗香港發展之後，都太忙，幾年沒有回去探望大家，大家說成日喺報章、網上、電視傳媒見到我，不停問我幾時返去探他們，他們都等了好耐，大家知道我會返去時，已收到幾十個約會，好多謝公司畀我機會喺中秋跟家人、師姐、師兄、教練、隊醫團圓。」

大家見面時，有冇感動到哭（Shay非常眼淺）？她哈哈笑：「梗係有啦！真係好感動，幾年沒見，大家都已成家立室，仲帶埋小朋友出嚟見面，尤其是探望當年醫我的隊醫，真係忍唔住的感動，當年受傷、醫治過程，隊醫的鼓勵說話之畫面，一幕一幕出現晒，真係好懷念，我哋仲出番去運動場跑咗一陣，懷緬下。」

她表示這幾年自己也有很大變化，完全估不到會變成歌手，結束中秋假之後，她會返到香港繼續為新歌做巡迴宣傳。