鄭欣宜為瑞士護膚品牌代言「唔減肥都靚」

邀請身形纖瘦的女星及女模拍攝美肌護膚品產品的廣告或代言人，早已成為定律；不過這個傳統瘦的美學，終於由憑自然自信、擁健康形象的鄭欣宜(Joyce) 打破。

最近Joyce廣告接唔停，繼接父親秋官棒拍攝位元堂養陰元電視廣告後，近日她更獲高級瑞士有機護膚品牌 Swiss O Beauty Expert賞識，擔任首位代言人，今次廣告商請來Joyce出任美容院及產品代言人的原因，主要是認為她形象正面、自然及做回自己，與品牌的風格十分脗合，基於大家理念相同，首次合作非常愉快。

日前廣告商特意找來攝影大師張文華操刀，為Joyce拍攝一輯既自然又清新的廣告硬照。當日Joyce穿上素色裝束，由星級化妝師江中平為她化上清新裸妝進行拍攝，對於整個拍攝，Joyce大為讚賞：「今次能夠得到呢個工作機會，我真係好開心，比賺到嘅酬勞更開心；同埋成個合作團隊都好好，成件事係好順利、好開心、好幸福，我覺得影出嚟嘅相好靚，好滿意，希望出到嚟大家都鍾意。」

Joyce顛覆了瘦人美學傳統，而且更自訂了一套美麗新標準，「我覺得女人只要自信、自然、健康、做番自己，唔使食藥，無添加，唔使盲目地減肥，都可以有好多人覺得你靚同埋會有好多人鍾意。」