[美容] 林嘉欣拍護膚品廣告 與空氣做戲扮鬼馬

林嘉欣雖然已是兩女之母，但是這位得天獨厚零瘕疪的美麗媽咪，皮膚一直保養得如少女般嬌嫰，早前她拍攝一個護膚品廣告，除了要考演技又要考耐性，她的三句對白足足講了數百次之多，講到她舌頭打結， 不過她被導演大讚交到戲，所以再多講幾百次都沒有問題。

林嘉欣第三年以代言人身份為Reenex膠原自生中心拍攝一輯電視廣告，今次她是全程與空氣做對手，因為會再做後期製作，在她身邊加添不少膠原ＢＢ，嘉欣笑說：「全程要幻想身邊有些膠原ＢＢ飛來飛去，深入我皮膚肌底，我又要扮鬼馬表情配合，都係考演技挑戰，係有啲難度，我唯有幻想同女兒一齊玩，好在拍完導演畀咗正能量我，佢話拍呢廣告一定要搵演員先交到戲，我聽咗好開心問導演係咪講緊我呀？」其實今次除了考演技外，亦要考耐性，在廣告中嘉欣只有三句對白，她一口氣要講幾百次才完成，完成之後工作人員也大讚她好脾氣，她笑說：「因為要拍不同角度及姿勢，所以三句對白要講300多次 ，講到我有啲口齒不清，到後期好似講緊法文咁，條脷都不受控制，應該要休息下先。」在拍攝期間工作人員早已準備好靚湯、飲品、生果及蛋糕等美食，但是最吸引嘉欣的是一大箱美味薯片，她無奈地說；「工作人員真係好細心，畀我發現到成箱薯片，真係好想殺咗佢，都係要忍口，因為件衫好貼身，要KEEP住最佳狀態，唯有當箱薯片透明！」

林嘉欣這位天生麗質的靚靚媽咪覺得女人過了30歲之後便要好好護膚，她笑言自己是個懶人，她大部份時間也給了兩位女兒，所以她不會浪費時間，有時出街穿好衣服不照鏡便出去，不過對於做Treatment(療程)卻不偷懶，她覺得用儀器療程有助皮膚吸收，她笑言自己的保養是要靠別人幫助的。

稍後嘉欣又再接拍電影，今次對手是好歌兼好戲之人張學友，嘉欣笑說：「同學友合冇太大壓力，14年前已合作過，我14年來個樣冇乜變呀！反而第一次同呢位導演合作就有啲壓力，因為佢會〈鍊〉我啲戲，佢就係我先生（袁劍偉），我都好期待同佢合作，我哋唔怕有拗撬，電影係我哋共同話題、興趣，不過我都會保留角色上（口既）神秘感，唔會之前同佢研究點樣去演繹，要我現場發揮較好玩。」嘉欣也十分期待這次夫導妻演的一齣好戲。另外，嘉欣早在四月在台灣接拍一部電影「百日告別」，是五月天的石頭合作拍攝，該片於 7月在台北國際電影節成為開幕電影，嘉欣正期待出席這次盛會。