吳雨霏拍《我敢愛》MV寧做編劇唔做女主角

2015-02-04 鋮滿

日前吳雨霏(Kary)為新歌《我敢愛》拍攝MV，今次她邀請了Ronny@Mr.和Heidi@Supergirls作為男女主角演繹一個甜蜜愛情故事。Kary表示：「〈我敢愛〉這首歌講女仔搵到Mr. Right之後就會堅守愛情，係好sweet的一首歌，其實好代表到我現在的心聲。今次想搵男女主角演繹情侶，之前睇到Mr.<雙面人>MV先知原來Ronny咁好戲，男主角人選非佢莫屬啦！而我同Heidi本身都識，佢個樣同性格都好甜美，所以搵佢同Ronny做情侶，出黎效果都幾有新鮮感。」

當日，主角Ronny和Heidi走遍香港數個情侶拍拖熱點，如摩天輪和海旁，又送花又玩自拍，過了甜蜜浪漫的一天，Ronny笑言：「好開心又多個MV可以俾我做男主角，多謝Kary賞識，其實做戲都幾岩我，除了音樂之外我都想有更多拍戲拍劇機會，希望各位導演可以聽到啦，哈哈！雖然我同Heidi第一日認識，但她好快已經進入狀態，係一個好好既對手，我都有向她偷師。」整個故事大綱由Kary構思，擔當編劇，加上男女主角選角的重任，都是由Kary一手包辦，她坦言：「我十分享受做幕後工作，可以挑戰自己學多樣野，希望自己可以更加多元化發展，做一個全能吳雨霏。」