鄭秀文第7場演唱會 多謝杜sir 韋家輝 (附圖輯)

昨晚第7場「Touch Mi鄭秀文世界巡迴演唱會」，Sammi兩度淚灑舞台，一次為上帝、一次為恩師杜琪峯。她流下幸福的眼淚，觸動全場1萬2千位觀眾，台下捧場的《孤男寡女》監導編韋家輝與太太、同電影合作的黃浩然與太太、電影拍檔古天樂、余文樂和好友蔡一智與太太等都被感動。

Sammi在演唱會第三個以「Love」做主題的環節，穿上Jean Louis Sabaji白色長裙和House of Malakai的羽毛頭冠，唱完《放不低》與歌迷互動傾傾偈，她風騷問歌迷：「我靚唔靚?之前嗰part係性感，依家part係感性，都唔知依家啲舞台衫為乜搞到咁少布?喺屋企都唔會著咁少，明明係內衣，點解要著出嚟外露呢?不過，真係靚?咁算啦！」她又笑指頭冠價值2萬幾元，但羽毛不能保存太久，為免浪費索性派給歌迷留念！

唱完自己的《一追再追》和張國榮的《追》混合版後，介紹C AllStar的安仔出場合唱《時間之光》，再介紹另外3位成員，「點唱」他們在網上獲近千萬點擊率的名曲《天梯》。

第四個環節唱福音，Sammi與MC仁合唱《愛是…》後與24味合唱新歌《戰勝自己》，她的情緒開始激動，唱完《Hallelujah》已開始眼濕濕，上到舞台機關升上高處唱《上帝早已預備》和跪在台上唱《朝聖》時，淚流滿面，但都是感恩的眼淚，她一直保持自信的笑容。

然後Sammi穿上Jean Louis Sabaji短裙和Giuseppe Zanotti Design高踭鞋，裙後有長長的斗篷，之前幾場在這個環節，她都穿上又長又貼身的晚裝裙，舉步難行，但昨晚換了短裙，步履輕盈，她乘機在台上跑來跑去玩飄逸斗篷，擺甫士讓歌迷拍照，非常搞笑。之後在台上燈光效果「紅地毡」上唱《輸得漂亮》時，Sammi看著在機關台下，等候升上舞台的恩師杜琪峯時已忍不住流淚，當杜sir升上舞台拖住她行完整條「紅地毡」時，眼淚像關不掉的水喉，她不斷用手抹完又抹，喊不停，場面感動。Sammi說：「恭喜你又授勳，大家要叫佢杜博士呀！」杜sir首次踏上紅館舞台擔任演唱會嘉賓，全場哄動。

Sammi自爆經常被杜sir「投訴」太瘦，台上放出一張她初出道時臉圓圓的照片，杜sir問觀眾：「呢個靚唔靚呀?我覺得你最靚呢個樣！」全場大叫「靚」，Sammi哈哈大笑說：「杜sir你真係日行一善，靚?何以見得?！」

杜sir說：「珠圓去潤，好有福氣！」Sammi自嘲：「嘩，嗰陣時肥到對眼得返一條線，個鼻沉咗落啲脂肪度，個臉打極陰影都係咁圓。想當年被阿姐鬧我，塊面好圓嘥晒佢啲粉底！」杜sir打蛇隨棍上，借意催Sammi生BB：「你生個女咁樣，你都發達！(咁你有排等，我冇諗生住喎！)嗱嗱聲啦！(做咩啫，你驚我高齡產婦呀?依家50歲生都唔遲！)趁出年羊年。(我唔信，我信主架！)我係羊年嘛！」他們妙問妙答，平時認真又嚴肅的杜sir，甚少表露可愛搞笑一面，觀眾都好驚喜，又拍掌又大笑，氣氛高漲。

搞笑對答後，Sammi認真地多謝杜sir一直的愛護，她說：「我真係要多謝恩師杜sir，喺電影世界裏，你真係畀咗好多機會同埋膽量去用我，而且用完再翻用再翻用，我希望可以追隨導演到老，有咩用到我既地方，求你用我啦！」Sammi還多謝另一位愛錫她的幕後英雄韋家輝，她向觀眾席上的韋家輝揮手道謝。然後她又嚷著要杜sir唱歌，一時又話要他唱《海濶天空》，一時又要他唱《My Way》，不過杜sir都捥拒：「今日喉嚨痛，下年先啦！」最後Sammi向杜sir致謝：「我知你好唔習慣上台，多謝你嚟陪我走完紅館呢條紅地毡！」