《單身男女2》仔仔抱千嬅婚禮踩場 (附圖輯)

2014-10-13 浩楠

楊千嬅和周渝民（仔仔）被大導演杜琪峯點名演出寰亞電影《單身男女2》，捲入高圓圓、吳彥祖和古天樂當中，由「嬲」字變成三王兩后錯綜複雜的五角關係。

拍攝搶婚戲當日，仔仔抱住赤腳千嬅衝入婚禮現場，為配合杜琪峯導演多角度拍攝，來回走了十幾次，當時千嬅剛生完BB幾個月，還未修身，事後她笑言要向仔仔耍冧：「一天抱了一輩子的石頭！」難得仔仔大方表示不介意，還笑言感謝導演讓他乘機操肌。

初次合作，千嬅和仔仔互笠高帽，飾演浪漫情深「水星男」的仔仔說：「千嬅姐是非常頂級的藝人，我身邊也有很多她的粉絲，這次終於有機會合作，見識到她本人，好榮幸。」搞到仔仔腳仔軟的千嬅大讚對方人很好，她說：「仔仔人很好，我生了孩子後體重還未回復，他抱我來回走了好幾遍，我想他一天就跑了他一輩子的路，一天抱了一輩子的石頭！」拍戲抱女星經驗十足的仔仔，笑言感謝導演讓他邊拍戲邊緞練肌肉。

戲中千嬅的感情周旋於斯文專一的仔仔，與不覊浪子古天樂之間，雖然結局要賣關子，但現實中她笑言是過來人：「我自己既經歷係錯，長大咗就會揀個簡簡單單既人，要對一世，唔使咁多挑戰。以前既我會揀張申然(古天樂)，因為很有挑戰性，情感上互相角力，後生嗰陣好勝嘛！依家梗係揀仔仔啦，一輩子流流長，簡單就開心，唔使搞咁多嘢，好似仔仔話齋唔使下下愛到死去活來。」身旁的仔仔聽到千嬅揀自己，當然開心點頭附和。

千嬅又透露劇本比第一集更多幽默感和錯摸誤會等情節，她說：「第一集好多浪漫元素，好簡單既愛情故事，但第二集就加入咗我同仔仔，仲有好多唔同既愛情關係，錯綜複雜，有啲誤會又有啲溫馨，帶少少傷感。」仔仔最印象深劇就是千嬅泊車一幕，仔仔說：「因為千嬅姐從法國回來，泊車時貫徹法國人習慣，用自己的車子將前後的車子頂開，而她開的是法利拉，令我大開眼界！」

對於千嬅，最難忘就是不諳水性的她，竟然為了杜琪峰導演一句說話而跳海，她說：「我一直有留意仔仔拍戲和唱歌，佢有型靚仔又有耐性，好gentleman(有風度)，令我好安心。其實我哋第一次合作，印象中佢好文靜憂鬱，通常拍戲第一日就拍親熱戲會好尷尬，令我最初有啲擔心，好彩今次唔係，不過導演要我第一日埋位就跳海！全港都知我唔識游水，我同老公去馬爾代夫旅行，啲水腳眼咁高我都唔制，但係杜sir(杜琪峰導演)有股魔力，第一日埋位就同我講：『千嬅，夠唔夠薑跳落去？』我拍拍心口話：『夠！』就咁攞個水泡跳咗落海！」