雨僑韓國旅遊 食朱古力屎餅 (附圖輯)

雨僑早前去美國賭城登台掘金，之後即赴韓國旅遊吃喝玩樂。韓國出名美食多兼為shopping聖地，但沒想到她甫抵埗，竟第一時間喫「屎餅」，原來她光顧了位於仁寺洞內一家吃豆沙的食店，她笑說：「其實間嘢好出名！佢哋係整麵包同朱古力造嘅『屎餅』，但真係好甜。我本身唔好甜嘢！所以食到個樣咁慘！」

身為網絡美容教主，雨僑當然特別留意韓國的最新美容產品，兼可順道為其美容生意做資料搜集，有次她蹓躂一間護膚店時，驚見身邊突然有木乃伊出現，當堂被嚇一跳，她笑說：「真係木乃伊！係由頭包到落腳，仲要佢行出街都覺得自己無咩嘢先覺得得意。」

韓國整容全球知名，問雨僑此行會否想過修改容貌，她說：「我之前有諗過不如割雙眼皮，但我有個friend上次去韓國整完，成半年都未復原，佢整完之後，我見到個效果唔係咁啱我！其實我自己化妝都純熟嘅，所以唔好懶，都係自己化啦！」