張苡澂京劇裝淋冰「找數」 感激粉絲遊飛機河支持

歌手張苡澂(Venus)今日以復康之星身份出席《香港復康力量傷健共融日復康之星淋冰大會》 ，Venus完成多站音樂劇《霸王別姬》的宣傳活動後 ，未有時間換衫下穿上文初京劇服飾趕赴公司和慈善團體安排的宣傳活動。為將於十月二十五及二十六日假維園中央大草坪舉行的傷健共融日舉行頭炮宣傳 ，並盼望能為傷殘人士籌得更高的善款協助他們重新融入社會。Venus得知被籌委會主席巫文偉先生挑戰後 ，也有備而來接受今天的淋冰活動「找數」 ，並為慈善宣傳出一分力。

京劇裝變透視裝

當Venus「找數」後 ，京劇裝透視出紅色內衣 ，Venus續表示:「自小我就喺甘肅長大成日游冬泳 ，尋晚已經係屋企挑戰咗自己一次，等身體感受同習慣吓溫度先冇咁易病。作為復康之星梗喺要有強健嘅體魄 ，咁先可以加強形象。」她同時再次呼籲：「嚟緊10月25、26號一連兩日嘅籌款活動好適合一家大細參與 ，亦可以體會殘障人士嘅困難之外 ，更有義診、義賣等等活動。」問及這個特別造型的由來? Venus指出:「其實呢個喺我9月上演嘅《霸王別姬》宣傳活動另一個嘅造型 ，喺香港表演學院為紀念哥哥(張國榮)而為我搞嘅 ，所以我好榮幸可以做到呢個角色。」

超級粉絲從北京追到香港

原來Venus有多位超級粉絲一整天守候著她的出現 ，較早前從北京飛到香港為見偶像一面 ，結果她不在香港 ，對方便回到國內 ，Venus表示:「我無諗過我嘅粉絲(Fans)會由國內來來回回追到香港 ，我前幾日去咗台灣做嘢 ，但佢唔知嘅情況下飛咗嚟香港搵我 ，結果見唔到我就飛番去北京 ，後來知道我今日喺尖沙咀有活動 ，佢又飛番黎香港探我 ，真係好感動有咁忠實嘅粉絲嚟到現場支持我 ，我今日真係嚇一跳 ，最後佢話我知見完我之後夜晚就會坐飛機番北京。我嗰一刻真係覺得好感動 ，亦好感激佢對我無限嘅支持!」