張苡澂傳藝音樂頒獎禮上 遇怪人感氣憤 (附圖輯)

歌手張苡澂(Venus)出席香港傳藝中心十周年的傳藝節音樂比賽及星夢校園頒獎禮活動並擔任評判，而且巧遇多年無見的好友黎小田及她第一張唱片的監製溫應鴻(Adky)。Venus 坦言跟他們二人相識多年，她說：「我好意外可以遇番佢哋吖！大家平時都好忙，已經好耐無見，今次一齊為音樂比賽擔任評判就真係第一次。重遇好友嘅感覺真係難以形容咁開心。Adky佢本身喺我第一張唱片嘅監製，識咗好多年而且合作過一段時間，見到佢真係令我記憶猶新一樣諗起過往合作過嘅時光。」

遇上不懂尊重比賽的怪人

Venus表示在音樂比賽頒獎禮遇上一段小插曲令她感到氣憤，Venus表示：「有個怪人唔關事咁走咗入明星席亂講說話影響出台歌手，我都喺偶然間聽到佢誣蔑人買獎之餘話唔公平，仲要抵毀人哋嘅專業。我覺得咁樣好唔要得囉！人哋一班歌手咁努力練習以最佳狀態參加比賽，無啦啦比個三唔識七嘅人講一D與事實不符擾亂人嘅說話滋擾人，簡值離哂譜囉！所以我個一刻真係好嬲，我相信當時一定唔止我一個人聽到呢D說話！人哋搞音樂比賽，遇上D咁嘅人唔識尊重大會，真係令我氣憤！」

女神裝扮出席酒吧開張活動

Venus比賽完結後換裝出席中環某酒吧開業的慶典活動，適逢當晚以「女神」主題作打扮，所以打扮得非常性感，引來眾多嘉賓爭相要求合照，她說：「我同老闆識左好耐，知佢酒吧開張，我完左活動即刻黎祝賀佢，估唔到個場已經塞滿人有咁多人支持佢！登佢開心丫！」