張苡澂計畫買千萬遊艇陪老公傾生意 (附圖輯)

歌手張苡澂（Venus）為準備九月份舉行《香港群星演唱會　繼續寵愛哥哥當年話》音樂劇，現正積極跟徐家傑師傅操練泰拳，以泰拳的鬆筋方法來提升個人柔軟度。Venus 表示：「最近要定時鬆筋嚟提升喺台上演出時嘅姿體柔軟度，令我又痛又攰。」

由於工作繁重，Venus很少機會同朋友相聚放鬆一下，幸好日前有班金融界好友特別為Venus開了一個遊艇派對，她說：「我嗰班金融界朋友知道工作忙碌又壓力大，專登約埋咗二十幾人開架遊艇出海一齊飲飲食食，令我好好享受一日假期！」

原來Venus與丈夫Michael亦有計畫購買過千萬私人遊艇自用，Venus續稱：「其實我最鍾意吹海風，嗰刻感覺有如海風將我嘅煩惱同壓力一併吹走。」

Venus補充：「老公Michael嘅外國生意朋友都鍾意遊船河，所以如果我們擁有自己嘅遊艇，可以方便我同老公到海上傾生意，又可以約一班朋友到遊艇開Party聚下，但我們唔急住買，希望多參觀其他富豪朋友嘅遊艇，再決定買邊一款遊艇。」