《分手100次》 鄭伊健為周秀娜吵架被樓上投訴 (附圖輯)

鄭伊健在鄭丹瑞(旦哥) 執導新片《分手100次》中，除了有個身材惹火的女友周秀娜，連戲中兩位兄弟老友亦非常火爆，首推「廣東四大名咀」之一何浩鵬(鵬哥)，另一位是最近人氣急升的香港舞台劇演員翟凱泰(泰臣)。戲中鵬哥與泰臣眼見老友伊健與娜姐拍拖後性情大變，女友與老友對立，三兄弟更為此炒大鑊，更一度激動爆粗驚動鄰居，弄成假嗌交真投訴，又搞笑又尷尬！

在男人的世界裏，老友與女友不能共全，伊健在寰亞電影《分手100次》裏，同樣遇到這樣矛盾的關係，慘成夾心人，其中一場戲，他與泰臣和鵬哥更為娜姐吵架面臨決裂。雖然拍攝當日沒有娜姐戲份，但她故意到場偷師，同時她的出現更幫助泰臣等人培養情緒，他和鵬哥無論鏡頭前後，都刻意對娜姐黑口黑面，而且開口埋口叫她魔頭和女妖，非常入戲，火藥味十足。

接受訪問時，泰臣似乎未可抽離，直指娜姐搶走好兄弟伊健，他說：「呢個女魔頭唔單止改變咗伊健，仲入侵我哋兩兄弟既生活，改變埋我哋！」娜姐指他們男人之家好小器，鵬哥反擊，揚言對她已經很寬宏大量，說：「我哋好過啲女人啦，如果三個女仔其中一個拍拖後改變性格，另外兩個姊妹就會疏遠，我哋仍然喺你(伊健)身邊，好好架啦！你講句嘢啦！」伊健坦言：「我唔敢講，佢(娜姐)喺我隔離！」然後叫娜姐講兩句，但她笑裏藏刀，斜啤伊健，問他：「你依家開唔開心?幸唔幸福?」伊健戰戰兢兢地說：「開心，幸福！」她得逞後風騷大叫「Yeah」，眾人都好入戲，非常搞笑！

娜姐埋怨，說：「現實生活中，我唔係惡死女友，更唔係『妖女』和『魔女』，佢哋啲對白咁樣講我，其實我有天使內心，魔鬼嘅……哈哈哈！」伊健亦撐她，說：「佢真人一啲都唔惡死，最初以為佢係一個好普通既港女，原來唔係！」娜姐立即閃閃眼表示感激，還替伊健揼骨按摩，不過被泰臣搞爆gag串爆：「佢當然唔係港女，佢住新界，係新界女！」

講到嗌交戲，娜姐爆料，說：「佢哋三個拍嗌交戲，太嘈，被樓上住客投訴！」伊健笑指眾人嗌交動真火，粗口橫飛，導演下令壓止鵬哥的助語詞，鵬哥笑言如果投訴者是男人派出娜姐應付，如果是女人就由伊健解決。伊健說：「其實我哋幾個真人都唔鍾意嗌交，為拍呢場戲大家都好落力，出盡力，所以嘈得特別大聲！」經過這次交手，伊健發現娜姐很單純，他笑說：「原來佢好多拍拖嘢都唔識，又唔識玩吓嘢箍住個男人，我諗佢拍完呢部戲會大有進步！」