MK-Pop 組合FAITH 未敢單挑天堂鳥 希望10年後仲在樂壇

人氣「MK-Pop」男子組合FAITH到茜利妹及邵子風主持的節目《娛樂後援會》受訪，茜利妹坦言一路驚他們甩底：「因為另外兩隊，天堂鳥最早約好，但翌日自己取消，Fantaz推咗，兩隊理由一樣：話呢期劣評如潮，風頭火勢，最好避一避，我話：『吓？你地下個禮拜唔紅㗎喇噃，到時搲唔番㗎噃。』」

邵子風評FAITH的「成名」MV《Stop Peeping》：「點解要唱國語？應該唔會唱得好過廣東話啩？同埋Hiu Yong你頸上嘅咖哩雞係想點㗎呢？」21歲的主音Hiu Yong解釋：「其實，因為我地老闆一路都喺台灣有音樂事業發展，所以第一首歌想我地唱國語。其實果個係濕疹，我幾年前開始患濕疹。其實有用化妝遮，但一路拍一路出汗，所以又露番出來……」茜利妹發現他後頸髮腳也有同類型疑似咖哩雞的濕疹。

邵子風直斥：「咁即係製作唔得囉，水準唔夠！根本唔應該出街！」Hiu Yong極為尷尬。茜利妹補充：「其實佢地（FAITH）都係俾人擺上台，兩個未成年加一個21歲，識春咩！識怪一定怪導演。」

被問到有冇拍拖，Hiu Yong與Wave直認已初戀過，也分了手，14歲的Sky尚未「開苞」，茜利妹問Hiu Yong：「咁前度見你忽然爆紅，有咩反應？」Hiu Yong：「其實之前都有Facebook聯絡，但呢期佢冇搵我…」茜利妹：「咁實係嫌你 kai 啦！即閃！」全場爆笑。

邵子風又提議FAITH單挑天堂鳥，豈料Hiu Yong標晒汗話：「吓？！唔好啦… 唔敢呀…」

網民問三子最多的問題是「幾時解散」，三人不約而同地表示：「希望自己一路可以唱落去，希望十年後仍然可以留喺樂壇。」茜利妹語重心長謂：「香港每年出產得最多嘅就係棄置發泡膠同娛樂圈新人，如果你地想十年後仍然有得撈，真係要即時進步呀！」邵子風再強調：「依加啲歌、舞、造型全部未合格！」三子笠晒水點頭示明白。

主持們又替他們改了新名「中出即Faith」，三人一聽即時大笑又即時收殮，好明顯大家都知道「中出」點解，哈哈。

有網民報料：「FAITH 3個都係member（同志） ，蕉仔（Wave）喺member界都小有名氣，連佢地個排舞師都係member（係我個friend個friend）。」其經理人回應：「冇啲咁嘅事。」