再過三年就出道咗60年嘅馮寶寶，前晚就同香港業餘管弦樂團攜手合作，響大會堂舉行「昨日今日明日馮寶寶爆趣音樂會」，寶寶姐嘅一眾好友石修、賈思樂、雪妮、姜大偉、李琳琳同魯芬BB都有去捧場，而最近同寶寶姐拍戲嘅薛凱琪就同埋媽咪到場支持。
文:Sarina
攝:星野希
童星出身嘅馮寶寶當晚以老歌同觀眾一齊懷舊，包括《滄海一聲笑》、《橄欖樹》同《浪子心聲》等。寶寶姐響台上非常鬼馬，期間更大串周爺咁紅係學曹達華、新馬仔嘅表情同演技，然後就擺出一個斜望的表情，令台下笑聲不絕。
寶寶姐話今次演出雖然唔係完美，但勝在自己演出情真，博到觀眾開心。
