鄭家星無懼傳緋聞與雨僑漫步沙灘拍MV (附圖輯)

2014-01-23 浩楠

已推出個人唱片《天亮之前我愛你》的唱作歌手鄭家星（Carlson），找來曾和他傳緋聞的雨僑拍攝歌曲《有夥星》MV，兩人手拖手漫步沙灘，傍晚時分依偎著生火取暖，一條圍巾兩份用，十分浪漫。鄭家星與雨僑私下感情也不錯，導演放飯的時候，兩人坐埋一邊食飯盒，還互相分享食物。

早前有報導指雨僑和羅力威冷戰，於是鄭家星展開追求攻勢，出動三百萬林寶堅尼戰車接載兩僑遊車河，這次鄭家星專程找雨僑做MV女主角，是否真的有意追求女方？對此鄭家回應說：「咁佢當然靚女啦，而且好友善，感覺都幾好，呢隻歌講一對男女分開咗好耐之後重逢，大家有一種唔係好熟悉o既距離感，我同雨僑其實唔係好熟，係朋友介紹，只係見過兩三次，雖然之前傳過緋聞，但我唔會因為咁而避忌，因為佢真係適合拍呢個MV。」

鄭家星現年只得23歲，雨僑早前表示有些介意姐弟戀，對此鄭家星說：「咁我又覺得年齡唔係問題，最緊要大家啱key啫。雨僑有八級網琴底，所以我哋隨咗傾吓各自生活上o既喜好，都會傾吓音樂。我哋現階段只係朋友，我o依家冇拍拖，亦我唔心急，暫時都係想先專注工作上o既發展，拍拖呢啲o野順其自然啦。」

鄭家星17歲出道，拍過電影《葉問》、《浮城》及《大鬧天宮》。鄭家星在賀歲片《大鬧天宮》中飾演哪吒，和甄子丹、郭富城有對打戲份，為演哪這個角色，鄭家星專程提前一個月去北京學習基本功和兵器的運用。問他和兩位前輩合作有何感受，他說：「我之前喺《葉問》同甄子丹合作過，《浮城》又同郭富城合作過，大家唔可以話熟，但合作起來都有默契。兩位前輩都好親切，唔駛埋位時都會同我傾吓謁，好肯教我。尤其係丹哥，佢係套戲o既武術導演，我哋更加多機會接觸，佢真係好專業，每一個動作戲佢都會話畀我聽點樣出招拍出嚟先好睇，佢o既悉心教導，感覺就好似係我師傅一樣。