林嘉欣復出代言拍廣告（附圖輯）

今年五月再做媽咪的林嘉欣宣布「兩囡夠晒數」，決定封肚全面復出，首項工作就是擔任「reenex膠原自生中心」代言人，有傳嘉欣穩袋七位數港幣酬勞，求証時她哈哈大笑，說：「問經理人珊珊啦！總之佢叫我畀心機工作，啲女畀晒佢湊！」珊珊亦笑言：「係呀，其實除咗嘉欣，仲有楊千嬅囝囝、蔡一智3個細路、蘇志威兩個、林曉峰兩個仔都可以畀埋我湊，大家畀心機出去拍戲唱歌，我索性開一間『珊珊托兒所』，淨係湊我旗下班藝人既細路都有排忙，到時我會叫鄭伊健生仔，余文樂同王菀之都可以無後顧去結婚生仔啦！」

有經理人珊珊兼任湊女媬母，嘉欣埋位果然份外認真又爽手，原來另有小柲密，就是她自己正式復出的首項工作開出條件，就是她要先親身體驗reenex的膠原自生療程效果，結果經過探入了解和感受後，她對膠原自生的療程效果讚嘆不已，才決定擔任此代言工作。而拍廣告片和硬照團隊更是嘉欣的舊拍檔，除了相隔19年再合作的著名廣告導演David Pun，還有星級攝影大師CK、星級化妝師Will Wong和藝術髮型師Hin Wan等打造皇牌陣容，令嘉欣就如回家的感覺，鏡頭前揮灑自如。鏡頭前她自創各種不同的手勢和表情，配合廣告「3年不老」主題，表現出自然自信。導演David Pun非常滿意，還大讚她與19年前樣子一樣美麗，甚至更增添成熟美。

雖然連續兩天拍攝，但嘉欣狀態大勇，精神飽滿，還笑指現場睡房的布置是她的香閨，她說：「歡迎大家嚟到我屋企！今次係生完阿妹(細女)後第一個正式既工作，代言『reenex的膠原自生療程』，我自己親身做晒整個療程，好正，所以已經推薦晒畀我全家所有女性，『3年不老』我係咪同做女果陣一樣呢?！」她表示這次有別一般skin care廣告拍攝，她說：「平時廣告要捕捉影我靚既一面; 但做完treatment之後，皮膚因為真係young晒，所以今次導演叫我自然流露，做自己，捕捉我真性情，因為我點影都靚，哈哈!可能之前大家合作過，所以合作得好舒服，台前幕後都好開心。」有否帶埋囡囡一齊扮靚?她笑說：「呢個療程係『3年不老』，囡囡咁young，佢哋已經充滿膠原！」

她又透露除了湊兩個囡囡還埋首在blog寫兒童書，稍後還會拍短片式的電影，她說：「我只係佔一個單元，唔使花太多時間，因為我仲好想自己湊返兩個女，慢慢習慣幕前既工作節奏。(和囡囡一齊拍電影?)唔會，因為拍戲最難就係同小朋友或者動物一齊拍，再加上如果我要同自己既小朋友一齊拍戲，我投入唔到角色，喺片場只可以變返佢哋阿媽！」

已是兩女之母的嘉欣可會追多個仔?她立即決絕地說：「我封肚啦！有兩個囡囡我已經好滿足，好開心，我依家會放七成時間同家人一齊。(做咗媽咪之後有咩感受?)小朋友刺激到我思考，因為小朋友會不停咁變，令我都諗吓自己可以點變，一來我好怕悶，而且可嘗試不同可能性！」