何韻詩10月踏紅館　終極性感拍海報（附圖輯）

何韻詩宣布今年10月19和20日紅館舉行《MEMENTO Live何韻詩演唱會2013》，相隔四年再踏紅館開個唱，為隆重其事，她以破天荒性感形象拍海報，昨日造型照率先曝光，掀起網上瘋傳，哄動全城！

相中阿詩頭戴掛上[光明會]徽章的綠色軍帽，絲巾包掩住她半張臉，充滿神秘感，雙手交叉放在胸前，驚現事業線 ; 另一款海報，阿詩更疑似真空上陣，只用絲巾遮住上身，露出纖腰，非常型格！

原來阿詩這次演唱會造型團隊大有來頭，除了由著名設計師AllRightsReserved的SK Lam擔任形象設計總監，更邀請新加坡星級攝影師Leslie Kee，以及日本頂級化妝師和髮型師，眾人專程飛到日本拍攝，豪花港幣半百萬元，阿詩揚言要打破概有框架，果然讓歌迷眼前一亮！

這次拍攝海報之旅，阿詩由經理人敦啟華和女助手陪同飛抵日本，她坦言事前沒有想像過會以此震憾造型亮相，她說：「其實之前影咗幾款造型，之後我set好頭和化好妝，造型師攞咗一對nude bra畀我，我嚇到尖叫咗幾聲。係咁話：『唔係啩，真係要影呀?唔好啦！』但見到大家都咁專業，令我好有信心，初初諗住影幾張，但睇到啲相就越嚟越有信心，覺得自己就係想有呢個突破。」阿詩自覺出道以來形象屬穩陣派，希望有新鮮感,她說:「自從come out之後，覺得自己成長咗，係時候有新鮮感。相中造型雖然好大突破，但仍保留我既神髓。如果5年前影呢輯相，我諗我handle唔到，依家我好清楚自己做緊乜，希望打破概有框架，無論服裝和性別定位，都唔會再有局限。作為一個專業藝人，對於未試過既嘢，就要勇敢踏出第一步，唔可以故步自封。」阿詩希望今次由拍海報到演唱會，都能打破框架，向前邁進。

阿詩表示除了欣賞其性感造型，海報中其妝容亦是史上一大突破，她說：「我敢講，我係香港史上首個女歌手影個唱海報，係一啲眼妝都無，當日化妝師只係幫我個妝打咗個底，然後無眼影、無眼線、無假眼睫毛，效果令我好驚喜。」原定這次到日本後立即影相，然後她留後休息，演唱會前充充電，豈料行程臨時有變，令她大失預算。阿詩笑說：「本來諗住一去到就影相，之後就飲飲食食，點知臨時改為先休息，到最後一天才影海報，結果我全程睇住其他人大吃大喝，我就食得清清淡淡！」