雷頌德(Mark)前晚紅館舉行第二場「Thank you演唱會」，Mark的其中一位伯樂黃柏高和著名填詞人林夕都前來捧場，演唱會由陳慧琳和陳曉東演唱《打開天空》揭開序幕後，鄭秀文(Sammi)出場又唱又跳《男仕今天你很好》和《發熱發亮》，歌迷驚喜尖叫，她唱完歌隨升降離場時，鬼馬地向台上的Mark飛吻!
緊接出場的RubberBand，因為要在台上要調校樂器音響，Mark就趁機開腔力撐，他說:「你哋演出7。1嗰個騷，唔使擔心歌迷了唔了解你哋，有遊行就証明香港仲有自由!」全場歡呼，他還鼓勵RB到哪個舞台都要盡情唱，宣揚應有的價值觀，觀眾報以掌聲支持，然後RB唱《強》，全場拍掌附和。
至於首場穿黑色透視裝的楊千嬅，前晚換上白色Deep V裙亮相，Mark大讚性感，千嬅說:「為咗你呢個演唱會，我準備定好多靚衫架!」觀眾大叫她開演唱會，她笑說:「等我個仔搞掂入playgroup先啦，之後我就可以開演唱會，唔知到時大家仲想唔想睇呢?」全場觀眾大叫好想，千嬅表示好開心，然後與梁漢文(Edmond)合唱《滾》。唱畢，Mark問候Edmond腳傷，他跳跳紥得戚地說:「無咩大礙，跳多兩吓畀你睇!」其實千嬅早前因為抱仔過勞手婉受傷，最近舊患復發，她對Edmond笑說:「我哋可謂傷殘組合，你傷腳，我傷手。」Mark透露她出場前右手還戴護腕，他感激二人負傷演出，認真老友!
而黎明繼首場的「靈魂論」後，前晚再發表「多謝論」和「嚴肅論」。首先他唱完紀念已故音樂家黃霑的《明星》後爆當年的一段霑叔趣事，他說:「某次表演後，與張國榮等人去霑叔屋企玩，霑叔突然畀咗碗湯我飲，佢話:「林燕妮咒我死–黃瓜湯!」哄堂大笑。然後Leon搭住Mark膊頭再說:「你喺個騷度成日話多謝啲工作人員，其實係唔啱架，佢地有出糧架嘛，你去餐廳食完飯埋單，唔通畀完錢再去同個經理講多謝咩?唔應該講多謝。」Mark一臉狐疑，Leon續說:「應該講辛苦晒!對工作人員就講辛苦晒，對觀眾就講多謝!你對老婆就要講多謝，但囝囝就係佢對你講多謝，多謝你對佢養育之恩。」觀眾報以熱烈掌聲，Leon偉論欲罷不能，他又說:「政府部門成日話嚴肅處理事情，其實佢哋咁講又係錯架!嚴肅係表情，唔係態度，佢哋應該話會嚴謹地去處理事情，可以用嚴肅既表情去講。」全場觀眾拍爛手掌，歡呼聲此起彼落。
演唱會尾聲時，Mark特別為首次到場欣賞他演出的大仔雷鳴(Jack)和細仔雷響(Jazz)，加插了一個環節，他指住觀眾席上的太太Jade和Jack說:「今次係我個仔第一次嚟睇我既騷，所以我特別為佢唱呢首歌，係為佢寫既!」然後他自彈自唱英文歌《Baby Song》，舞台上螢光幕播放他和囝囝的生活片段，非常溫馨。不過完場後Jack扭計，哭著走入後台找爸爸，Mark見狀立即抱著Jack，兩父子講悄悄話然後親咀，Jack果然立即收聲不再喊，還乖乖地合照。
Mark與太太Jade和大仔雷鳴Jack後台合照，旁為繼子Sean。
觀眾席上，Jade攬住大仔Jack，親友抱住的是細仔Jazz。
