恭碩良被瑟縮大木箱內拍MV（附影片及圖輯）
恭碩良（Jun）早前為全新大碟唯一一首廣東新歌《Help Is On The Way》拍ＭＶ，由於這首歌是以家庭暴力為主題，所以在拍攝時Jun要被瑟縮在一個大木箱內，並要作出痛苦的爭扎，連手部也受傷流血，他希望憑歌寄意帶出家暴的問題，令大家加以關注。今次阿Jun的新碟是以英文歌為主，只有其中一首《Help Is On The Way》是廣東歌，這次他又特別邀請到好友麥婉欣為ＭＶ執導，阿Jun表示，這首歌是他自己作曲的，內容是講一些家庭暴力事件，有些人是被丈夫打，有些老婆打老公，甚至有被男友打過，這首歌是環繞這個問題。阿Jun為了配合拍出這首歌的意景，在整個ＭＶ中他要躱在一個大木箱內，不停地掙扎，手中包紥著正流血的傷口。
阿Jun說：「相信有好多身邊朋友或者會遇上過家暴呢啲經歷，個木箱好似個棺材咁，一個人困喺裏面，冇人聽到你講嘢，冇人會理你，只有自己一個人大嗌，我唔係代表人哋講嘢，只係想當一個故事咁唱出嚟，係一個隱喻。首歌本身係可以講唔同嘅話題，你話世界末日又得，天災人禍又得。咁啱我同導演麥婉欣都對呢個課題好關注，所以喺呢個MV表達出嚟，希望可以帶出一個話題令大家關注同正視，唔好因為驚而啞忍。」
阿Jun又覺得這首歌可以帶出另一個訊息，就是有時要堅持己見，因為只有自己最清楚自己需要甚麽，他自己是一個好例子，他說；「以前有人同我講打咩鼓呀，不如去做銀行，或者做賭場，不過我就冇聽人講，可能大家以為我咁係錯，不過我係想做自己鍾意o既事，如果我當初聽人講今日就唔會喺樂壇，而家我得獎證明演藝界都認同我，我係冇揀錯工作。」
圖輯：
影片：
