梁梓禧 茜利妹 詩詩BB 開咪 《有性友愛平基會》

梁梓禧（Roland）事隔8年再度開咪，與茜利妹及性治療師何慕詩（詩詩BB）齊齊主持新節目 《有性友愛平基會》，於《D100香港台》播出，大談性、愛及性向，梁梓禧表示：「以前我係『出位』主持，依加再開咪已經係『出櫃』主持。」

對於近日的教徒反同志風波，身為男同志的Roland，卻說要為教徒們平反：「我之前有個男朋友係基督徒，我地拍拖時佢都好掙扎，為咗遷就佢，仲掉咗張雙人床，換過張碌架床，免得過大家忍唔住，發生性行為，咁但係當然最後都搞咗啦。後來我又有跟佢返教會，我地嘅情侶關係都俾教友得知，但佢地冇排斥我地之餘，亦都真心關懷我地，嚐試同我地解決困局，所以，未必係全部教徒都『恐同』嘅！起碼林以諾牧師都仲同我有計傾吖。」

不過當談及被一些激進的教徒歧視時，Roland越說越氣，激動咆哮，更於節目內兩度崩潰！茜利妹見狀立即播歌讓其冷靜下來，Roland道：「即係佢地（歧視他的教徒）唔係攣！又點會真正明白我地攣人嘅心情吖？！我生出嚟攣，都唔係我想㗎嘛！我夠想我生出嚟係mass（大眾）啦！」

節目又談到「性幻想」，Roland話：「吓？我35歲之後已經冇進行『性幻想』啦！因為真實嘅性生活已經好滿足囉！哈哈哈！」又爆原來青春期時的「性幻想對像」是吳奇隆，只此一個，十分專一。詩詩BB也認同：「吳奇隆，得呀！」有聽眾話：「估唔到詩詩BB搞笑都得！好嘢！」她又以專業性治療師身份為聽眾解答性疑問，頭頭是道。

首集嘉賓請來《香港同志遊行》市場總監 及《Gay Harmony 大同》創辦人Francis暢談向母親「出櫃」經歷，網友留言：「用簡單直接講有關基的疑惑，巧笑！易接受！生動！」。

節目首播獲聽眾於Facebook大量留言讚好，茜利妹卻衰衰格地話：「吓？太正面喇！我要Haters！一面倒讚好有咩好玩呀？唔夠挑戰性囉！有人鬧，熱鬧啲噃！」

《有性友愛平基會》FB page @ www.facebook.com/D100Sex